Kekawin Aneka Wirama

Wira lalita ( Ramayana II )

- 00/ - 0 -/ 000 / - 0 - / 000/0 = 16

1.  Kala bhatara rama humeneng, humung resi gana

     Rikala meneng bhatara rama, umyang resi ambarane

     Ring gaganan panganjali, mangunyaken stuti sira

     Ring ambarane ida mebakti, sinambi nguncarang pangastawa

     Sakti  bhatara Wisnu, winuwus nikang stuti kabèh

     Kesaktian ida bhatara wisnu, kauncarang jeroning pengastawane sami

     Dadya nika udhanya nira ,sang Raghuttama ya don

     Indik tumbuh eling kayun ida, sang rama dewa punika sane kesaratang

2. Hè madhusudanamriha Bhatara, haywa malupa

     Inggih ratu bhatara rama , mepragayan bhatara idewa sampunang lali

     Wisnu awakta jati ,Purusottamottama kita

     Wisnu paragayan bhatara,pengawataran purusa utama bhatara

     Satwa ya satya nitya ,ri awakta tan dadi hilang

     Satwika satya punika, manggeh mungguh ring anggan paduka bhatara tan dados hilang

     Moha karih hana tuwi, rajah tamah pwa kawasa

     Inggian minab wenten pekayunan bingung, sapunika irajah tamah sampun presida magwisesa

3. Kwèh i dadinta, tan dadi ya tah wimohita dangu

     Sakatah pengawataran bhatara, duk riin nenten pisan dados ngardi pekayunan bingung

     Nguni ring adisresti kita rakwa mangdadi iwak

     Dumun duk pengawatarane pengawit paduka bhatara, reko menados ulam agung

     Kurmma waraha rupa ,narasingha Wisnu ta kita

     Penyu marupe bawi alasan, narasinga paragayan wisnu wantah bhatara

     Bamana jamadagni ,dadi Ramadèwa ta kita

     Bamana rama parasu, dados sang rama dewa taler paduka bhatara

4.  Na ta dadin ta don, ta puwi dadya ning parahita

     Sapunika wantah pengawataran bhatara, mungguing tatujon punika wantah ngardinin kerahayuan jagat

     Janma anung anagata ,temun Bhatara taya lèn

     Jadmane sane urip pungkuran, jaga panggihin bhatara tan sewos

     Kabwataken nikang dadi ,sanèka tatan alupa

     Mungguing kaluwihan pangewataran paduka bhatara, sane medohan punika nenten dados hilang

     Nitya tutur ku tan katutupan apan prabhu kita

     Setata elingan tityang nenten katewengan, dwaning bhatara panembahan tityang

Sragdhara ( Sutasoma)

---/-0-/-00/000/0--/0--/0-0=21

1. Çri Bajradñana sunyatmaka, parama, çiranindya ring rat wiçèsa

     Ida sanghyang bajradnyana maparagayan sunyata pari purna, tan paceda ngwisesa ring jagate

     Lila  çudha pratisteng hradaya, jaya jayangken maha swarga loka

     Deddeg suci malingga ring sajroning kayun,molihing molih waluya swarga lokane sane mageng

     Eka catrèng çariranguripi, sahananing bhur bhuwah swah prakirnna

     Paragayan sanghyang wisesa ngebek maka hurip jagate

     Saksat candrarka purnhadbhuta, riwijiliran sangkaring bodhacitta

     Tan pendah surya bulan sane bunter ngagawokin, rikala ida medal saking bodhicita.

2.  Singgih yan sidha yogicwara, wekasira sang satmya lawan bhatara

     Kawaktyannya yan sampun prasida dados yogi agung, pamekasnya sang sampun manunggal ring ida bhatara.

Sarwajña murti cunya, ganalalit, inucap mustining dharma tatwa

Paragayan sarwa janyana sunyata mageng miwah alit,, punika kabawos sari sarining dharma tatwane.

Sang siptan pet ulik ring hati sira,  sekunging yoga lawan samadhi

Cendek ipun, durusang rereh sliksik ida sajroning kayun, ulengang sajroning yoga miwah samadi

Byakta lwir branta cittangrasa, ri wariwaning nirmala cintya rupa

Janten sekadi bingung pakahyunane ngrasayang sasahih kanirmalane santukan tan parawat matra

Jagadhita ( Sutasoma )

---/ oo-/ 0-0/oo-/ooo/ooo/-o-/oo=23

1.  Tan warnan ri lawas nirareja manohara, hinuninganing wanging puri

     Tan caritayang suwe sampun ida bangkit nudut khayun kanggen babawos           antuk wong purine

     Sampun rakwa genep pitung wulan, ikang dina, temu banyu sangsayatuha

     Sampun reko jangkep pitung sasih nemunin paweton idane kakaryanang              upacara odalan tur sampun gelis duhur

     Kyati  çri Sutasoma nama nira dè nrpati, winuwusing jagat kabèh

     Kaloktah sang sutasoma kapasengin olih ida sang prabhu sampun kabyakteyang ring jagate sami

     Sangkè warnaniragawè suka nikang bhuwana, pinaka mustining hidep

     Saking warnin idane ngardinin kasukan ring jagate pinaka mustikan khayun

2. Lwirning swapna tuwuh nirènggal angadeg, lagut alayu kumara sadrasa

     Sekadi ring payumpenan indik yusan idane, digelis uning ngadeg, digelis uning mamargi, malajeng tan pendah sanghyang kumara.

     Solah bhawa nirèki cumbu, pinaceh paceh añaluki hètuning guyu

     Parisolah idane pangid, dados ica icayan asing polahang ida ngawinang ica

     Sang siptan ring huwus nirapupak, ageng tumaruna paripurna suçrama

     Gelising carita sampun ida makupak, sampun duhur mayusa anom, bagus           genjing tur purusa

     Hyangning kingking angindarat, semunirum nira wahu tumurun sakèng tawang

      Sekadi sanghyang samara tedun kajagate indik kebagusan warnin idane, sekadi wahu tedun         saking ambara